publicidade hoxe
Publicidade
omeulibro1

Seis persoas feridas en dous accidentes de tráfico no Porriño e Oroso

PUBLICADO EN: Noticias de GaliciaLocal PortadaO PorriñoOrosoSucesos
A-
A+
Europa Press

Unha persoa resultou ferida nunha saída de vía rexistrada este venres no termo municipal do Porriño (Pontevedra) e outras seis noutro accidente de tráfico acontecido na localidade de Oroso (A Coruña).

En concreto, sobre as 8,00 horas unha persoa foi evacuada despois de que o vehículo no que circulaba sufrise unha saída de vía na A-55, en dirección Portugal, á altura da saída do Porriño.

Segundo informou o 112 Galicia, recibiu o aviso dun particular instantes antes das 8,00 horas deste venres e mobilizou a Urxencias Sanitarias e aos Bombeiros do Baixo Miño. Tamén se informou a Protección Civil e á Guardia Civil de Tráfico.

Das tres persoas que viaxaban no vehículo sinistrado, soamente unha precisou ser trasladada en ambulancia a un centro sanitario. En concreto, o 061 desprazou unha ambulancia asistencial que levou ao ferido ao Hospital Álvaro Cunqueiro (HAC) de Vigo, segundo confirmaron fontes sanitarias.

COLISIÓN

Por outra banda, sobre as 21,00 horas do xoves seis persoas resultaron feridas nunha colisión entre dous vehículos. O sinistro rexistrouse na estrada N-550, preto da intersección da estrada que vai a Trazo.

Un particular chamou ao 112 Galicia minutos antes das 21,00 horas do xoves e solicitou para as persoas feridas asistencia sanitaria. Por iso, o 112 alertou a Urxencias Sanitarias. O accidente tamén foi posto en coñecemento dos Bombeiros de Ordes, de Protección Civil e da Guardia Civil de Tráfico.

Ao lugar, o 061 desprazou dúas ambulancias asistenciais que levaron ao Hospital La Rosaleda en Santiago de Compostela aos seis feridos: un home de 75 anos e outro de 50 e catro mulleres duns 50, 56, 68 e 86 anos.

16 de setembro de 2016 | 16:44 • Sen comentarios

Comentarios pechados.