Restricións no tráfico rodado e no estacionamento para o Festival Arraianos

Debido á celebración do “Festival da Memoria Arraiana 2016 – Arraianos”, e para garantir a seguridade e o bo desenvolvemento dos eventos que terán lugar na cidade de Tui haberá algunhas restricións no tráfico, tanto no estacionamento coma na circulación durante esta fin de semana.

Así, dende mañá venres, 2 de setembro, ás 6:00 horas e até o domingo, 4 de setembro, ás 23:59 horas, estará prohibida a circulación e o estacionamento nas rúas Seixas e Sanz, aínda que os usuarios dos garaxes poderán acceder a eles pola rúa Sanz.  No mesmo sentido, estará prohibido o estacionamento na Praza de Fromista, praza e San Fernando, praza do Concello, rúa Párroco Rodríguez Vázquez, rúa Bispo Castañón, rúa Porta da Pía, rúa das Monxas e rúa de San Telmo na praza da Igrexa, baixo as escaleiras.

Pola súa parte, dende o sábado, 3 de agosto, ás 23:59 horas e até o domingo, 4 de setembro, ás 7:00 horas, estará prohibida a circulación na rúa San Telmo.

O Concello de Tui prega a colaboración dos cidadáns e visitantes para garantir a seguridade do Festival Arraianos.