publicidade hoxe
Publicidade
omeulibro1

O presidente da Xunta avanza un novo contrato para Navantia Fene no ámbito da eólica mariña

PUBLICADO EN: Noticias de GaliciaFeneGaliciaLocal Portada
A-
A+
Europa Press

O presidente da Xunta en funcións e candidato do PPdeG á reelección, Alberto Núñez Feijóo, asegurou que, “nas próximas horas ou días”, concretarase un novo acordo e contrato para Navantia en Ferrolterra, co que se insistirá” na carga de traballo e na creación de empregos na comarca.

“Levamos traballando nese contrato desde hai algúns meses e espero que nas próximas horas, nos próximos días, podamos concretar e solemnizar un novo pedido no ámbito da eólica mariña”, avanzou o dirixente popular.

Feijóo non quixo concertar nin de que contrato se trata, nin o número de jackets que recollería o mesmo.

Con todo, fontes consultadas estiman que se trata do proxecto de ‘East Anglia One’, desenvolvido pola empresa española Ibredrola, en alianza coa compañía sueca Vattenfall, para augas inglesas e que supón a instalación de até 240 aeroxenadores mariños, dos que á empresa española pertenceríanlle 102.

No caso de Navantia presentou unha oferta conxuntamente coa asturiana Windar para materializar até 34 estruturas a construír nas instalacións da antiga Astano.

CARGA “PARA UNHA DÉCADA”

Ditas manifestacións realizounas Núñez Feijóo en Ferrol, onde deu a coñecer algunhas das propostas recollidas no seu programa electoral para o próximo cuadrienio referidas a Ferrolterra, onde ademais comprometeu carga de traballo “como mínimo para unha década no sector naval de Ferrol”, en caso de saír elixido de novo presidente da Xunta.

Isto suporía -remarcou- o compromiso de dotar “de carga de traballo pleno para os estaleiros desta comarca para o próximos dez anos, como mínimo”.

Así, destacou que aos contratos do ámbito eólico mariño viráselle a sumar “a necesidade de construír barcos e fragatas para a Armada Española, ademais de para outras armadas do mundo”, así como insistir nas melloras “no peirao de reparacións e en investimentos no estaleiro para incrementar a capacidade produtiva”.

6 de setembro de 2016 | 17:29 • Sen comentarios

Comentarios pechados.