Un operario resulta ferido ao golpearse cun madeiro en Narón
Un operario resultou ferido este martes tras ser golpeado cun madeiro mentres realizaba o seu traballo no monte en Sedes, no concello corunés de Narón. Segundo informou o 112 Galicia, até o lugar desprazáronse efectivos do Servizo de Emerxencias de Narón que, coa axuda dunha padiola, trasladaron ao ferido até onde o esperaba unha ambulancia.
Tras o aviso de Urxencias Sanitarias, pasados uns minutos das 9,00 horas deste martes, o CAE 112 Galicia ademais de alertar aos efectivos do servizo de emerxencias municipais, informou aos axentes da Policía Nacional e Local.