Os xogos tradicionais regresan á Praza Massó

A concellaría de deportes, dirixida por Manuel Otero, está organizando un verán moi deportivo, combinando as actividades máis tradicionais coas novidosas. Así, mañá venres a partir das 11 horas, grandes e pequenos poderán acudir á Praza Massó para participar nunha xornada de xogos tradicionais.

Ademais, todos os luns a partir das 10 horas se organizan xogos na praia da Banda do Río para nenos e nenas; os mércores é a quenda dos maiores coa ximnasia que se organiza na Banda do Río dende as nove da mañá. E desde o Centro de Interpretación de Agrelo parte todos os martes e xoves o running ás 10 horas.