O X Festival Galego de Cabaré encherá Redondela de cabaret, burlesque e swing

A Concellería de Cultura do Excmo Concello de Redondela, en co-producción coa compañía Nelson Quinteiro Cabaret comprácense en presentarlles o programa do IX X Festival Galego de Cabaré, Ixª edición e Xº aniversario, que co hastag #cabaretburlesqueswingfestival2016 e o slogan “Mergúllate nas calores do verán” ofrecerá durante a derradeira semana de agosto unha programación única no panorama estatal en torno ao cabaret, o burlesque ou o swing.

Trátase dunha novidosa edición de verán que mudando o concepto da propia mostra enfoca as actividades e contidos hacia unha experiencia para o usuario/a.

Deste xeito o festival divídese en varios bloques:

CAMPUS CABARET

Un intensísimo laboratorio de cabaret dirixido a profesionais do sector e que ten como obxectivo o desenvolvemento de contidos específicos para a programación do festival, a realizar en espazos non convencionais (rúas, prazas, rotondas, areais, etc…) e que asaltarán por sorpresa aos veciños/as de Redondela, paseantes e visitantes.

ESPECTÁCULOS NO AUDITORIO DA XUNQUEIRA

Tres propostas de cabaret no Auditorio da Xunqueira, en horario nocturno, SÓ PARA ADULTOS, a partir das 22:00 h e con unha entrada única de 5 €:

LUNS 22 MARINITA Y SUS MAROMAS

Un espectáculo de transformismo con altas doses de elegancia e glamour a cargo das actrices Andrea Paz e Susi Ons, diplomadas pola Escola Superior de Arte Dramático de Vigo ás que acompaña a diva “Marinita Calleja”, interpretada por Eduardo Domínguez.

MARTES 23 “MANCASME MAN. O home que mancaba ás mulleres”

Un espectáculo de poesía cabaret, cun uso da linguaxe de moi alto nivel, e con grande contido, interpretado pola actriz Iria Acevedo, un dos rostros máis destacados dentros do cabaret contemporáneo en Galicia, á que acompaña o pianista Miguel Granero. https://rgtcritica.wordpress.com/2014/09/08/mancasme-man/

MÉRCORES 24 BURLESQUE NIGHT SHOW

Unha proposta bastante subida de tono na que o elenco da Compañía Nelson Quinteiro Cabaret deixarase seducir pola banda máis perversa do xénero, convidando ao espectador a convertirse nun “boyeur” de diferentes propostas escénicas nas que visitaremos varias das diferentes paixóns máis baixas do xénero humano.

ESPECTÁCULOS NA RÚA E EN ESPAZOS NON CONVENCIONAIS

FLASHTOP CABARET

XOVES 25. 17:00 H. PRAIA DE CESANTES. O flashtop cabaret é un “asalto escénico” na que un nutrido grupo de actores e actrices tomarán a area da Praia de Cesantes como escenario para as súas coreografías, animación callejera, interaación cos bañistas e presentación do propio festival. Un espectáculo que vén curtido do verán, despois de pasar por escenarios como o Portamérica 2016, Rilla na Rúa Nigrán Foodtrucks, Rilla na Rúa Miño Foodtrucks ou a Semana de Cine de Vilagarcía.

THE MP3 EXPERIENCE. 

XOVES 25. 21:00 H. PRAZA DE FIGUEROA. Un dos experiementos escénicos do festival, e unha proposta á que dende a dirección do mesmo lle tiñan bastante ganas. O MP3 Experiencie é un evento que se convoca por internet e aberto a quen queira participar. O único requisito é dispoñer dun reproductor de MP3 con auriculares, e un punto de encontro, que neste caso será a Praza de Figueroa. Ao chegar ó espazo en cuestión prodúcese unha sincronización de reloxios e a liberación dun arquivo de audio no que se dará unha serie de instruccións aos participantes do evento. Todos deberán premer o arquivo de audio simultáneamente, e a partir de ahí, deixarse levar.

PEQUENO CABARET INFANTIL

VENRES 26. 20:30 H. PRAZA DA CONSTITUCIÓN. Un orixinal espectáculo que consiste na instalación dun vistoso teatrillo ao modo dunha barraca de feira ou de circo antiga e no que Nelson Quinteiro e a súa pulga Jacinta Florette farán as delicias dos máis pequenos e tamén dos nos tan pequenos transformando algúns contos populares dende un punto de vista moito máis cómico. Entre eles destacarán títulos como Rapunzel (a moza que non se quería depilar), Os tres porquiños bravos ou O flautista de Hamelín.

Un espectáculo que consisite no reto escénico de facer cabaret e dirixilo ao público infantil, quedándonos co colorido do xénero, o seu ritmo e carácter desenfadado e a súa alegre música para falar dos contos de toda a vida.

SOHO CABARET. GRANDE ENVENTO DE CLAUSURA

DOMINGO 28. 19:00 H. PRAZA DA TORRE. O IX X FESTIVAL GALEGO DE CABARÉ organiza o domingo 28 de agosto en Redondela un SOHO CABARET como grande feche a unha semana de actividades que comezará dende o día 22.

O noso obxectivo para o domingo 28 é convertir a Praza da Torre de Redondela nun auténtico cabaret berlinés atemporal, facendo énfase na experiencia do usuario, que invitamos a vir caracterizado/a.

Moitas son as actividades e propostas confirmadas para formar parte da nosa ambientación que contará cunha zona de espectáculos, pista de baile, zona café-cantante, zona de mercadillo, zona de restauración coa participación do foodtruck “Misko Midas_Cociña de autor” e tamén bochinche e zona de barra.

Todo estará amenizado por unha master class de LINDY HOP e exhibición posterior a cargo do grupo SWING ON VIGO, taller aberto de HULA HOP e HULA DANCE a cargo da artista e licenciada en Belas Artes ALBA F. TROITEIRO quen, ademais, encargarase da pintura dun panel durante toda a velada, GRANDE GALA DE CABARET BERLINÉS ATEMPORAL a cargo dos integrantes da Compañía Nelson Quinteiro Cabaret, que encherá toda a praza de actividades, sorteos e premios para as mellores caracterizacións e mil e unha cousas máis.

O feche da festa correrá a cargo do Dilleis PETARD POP, que nos farán vibrar coa música máis petarda.

EN DEFINITIVA…

Unha semana de actividades, concertos, intervencións e propostas escénicas do máis dispares pero envoltas baixo un fío común de nocturnidade, alevosía e diversión.