Cuarta vitoria consecutiva do Club Fluvial Allariz na liga provincial

O río Arnoia ao seu paso pola localidade ourensá de Allariz acolleu a XXII edición da regata de piragüismo da Festa da empanada. O Club Fluvial Allariz organizador da proba, levou a vitoria na xeral con 2.996 puntos, na que vén sendo a súa cuarta vitoria consecutiva na liga provincial por diante do Club Fluvial O Barco que sumou 2517 puntos, sendo terceiro o Club Fluvial Avión con 1087 puntos.

Con este triunfo os de Allariz mantéñense líderes da clasificación a falta dunha competición para terminar o campionato ligueiro con 400 puntos, o Fluvial Avión está de segundo con 350 puntos seguido moi de preto polo Club Fluvial O Barcoque suma 346 puntos.

A nivel individual destacar os triunfos de Diego Conde-Fluvial Allariz en home cadete K1; Adrián Prada-Fluvial O Barco en home xuvenil K1; Jesús León-Fluvial O Barco en home senior K1; Agustín Segura-Fluvial Allariz en home infantil A K1; Javier Rodríguez-Fluvial Allariz en home infantil B K1; Alessandro Martínez-Fluvial Allariz en home alevín A K1; Rául Pérez-Fluvial O Barco en home Alevín B K1; Daniel Anta-Fluvial Allariz en home benxamín K1; Carlos Piñeiro-Fluvial Allariz en home veterano K1; Lucía Pérez-Fluvial Allariz en muller cadete K1; Clara Pérez-Fluvial Allariz en muller xuvenil K1; María Piñeiro-Fluvial Avión en muller K1 senior; Paula Segura-Fluvial Allariz en muller infantil A; AngelaBruquet-Fluvial Avión en muller infantil B K1; Mar Miranda-Fluvial O Barco en muller alevín A K1; Diana Lorenzo-Fluvial Avión en muller Alevín B K1 e Xiana Rodríguez-Fluvial Allariz en muller benxamín.

A próxima competición celebrarase no municipio da Rúa o 28 de setembro.