Concerto de Odaiko Percusión en Cotobade
As actividades Culturais do Verán de Cotobade chegan ao seu ecuador co concertó estrela da súa programación Odaiko Percusión. Este concerto está dentro do programa Galicia Culturea da Xunta de Galicia. A programación do Verán Cultural dou comezo o día 11 de agosto cunha excursión a Cerceda para toda a poboación e remata o día 22 de agosto co Musical os Rockentein tamén na Praza da Chan se o tempo o permite. Xa tiveron lugar citas gastronómicas, deportivas, culturais durante esta semana, chegando maña ao seu ecuador co Concerto de Odaiko.
Hoxe ten lugar a actuación de Bea Campos coa obra Contando cousas e cousiñas na Sala Multiusos do Concello Maña haberá cine en Familia ás 17:30 coa proxección de Zootropolis e as 21:00 o concerto de Odaiko Percusión O día 19 terá lugar o Festival Folclórico de Cotobade, cunha homenaxe ao gaiteiro Ricardo Portela e a actuación de todos os grupos locais. O día 20 será a Festa da Bicicleta ás 10:30 e pola tarde ás 16:00 o Día do neno, con inchables, circuitos, karaoke e festa da escuma. O día 21 e a final do Torneo de Veteranos e a actuación do Mago Paco ás 21:00 tamén na Praza da Chan. E finalmente o luns de San Roque, día 22 o Musical Os Rockenstein ás 21:00 na praza do Concello, se o tempo o permite.