A Escola de Música Bernardo del Río dispón de 25 vacantes para o novo curso

A Escola de Música Bernardo del Río abre un prazo de dous días para que as persoas interesadas en acceder ao ensino musical poidan acceder ás 25 vacantes que quedan no centro para o curso que está a piques de comezar. Tras o primeiro período de matrícula, quedan prazas en Iniciación á Música, Música e Movemento, piano, vento madeira e vento metal.. As solicitudes deberán realizarase nas oficinas do centro o luns 6 e o martes 7 de setembro.

Existen 5 prazas libres en cada un dos niveis e especialidades instrumentais citadas. A Iniciación á Música poderán acceder nenos e nenas de 3 anos e a Música e Movemento de 7 anos. As especialidades instrumentais son para alumnado a partir dos 8 anos de idade.

A reserva de praza e matrícula deberá realizarse na secretaría da Escola de Música (no edificio do Ramal) o luns 6 e o martes 7 de setembro en horario de mañá (10 a 13:00 horas) ou de tarde (de 16:30 a 19:00 horas ). Para realizar a reserva deberán presentar cuberto o impreso de matrícula que se facilita nas propias dependencias da Escola e achegar un documento que acredite o número de conta onde se domiciliarán as cotas do servizo, así como o nome e o DNI do titular da mesma.