A cantante de jazz ‘La Negra’ presentará en outubro, na Coruña, o seu último traballo

A cantante de jazz e ritmos latinos ‘La Negra’ presentará en outubro en Madrid e A Coruña o seu último traballo, ‘Colores’, dentro do ciclo 1906. En concreto, o día 5 de outubro actuará na capital española no Teatro Lara, mentres que o 15 de outubro farao no Garufa Club, na Coruña.

Amparo Velasco, ‘La Negra’, iniciouse no mundo musical en 2006 dentro do concepto artístico que supuxo Casa Limón. Antes, traballou con artistas como José Mercé ou Vicente Amigo.

Do seu traballo, os promotores dos seus concertos en Madrid e A Coruña destacan, xunto ao jazz e os ritmos africanos e latinos, “a inevitable raíz flamenca”.

Por outra banda, subliñan que este ano supuxo “a consagración definitiva” desta cantante cun traballo, ‘Colores’, do que asegura que “non é un disco máis”. “É un excelente e marabilloso traballo cheo de emocións en forma de música”, afirman.

Por outra banda, do ciclo de música 1906 subliñan que o obxectivo do mesmo é reunir “a grandes figuras da música que triunfaron grazas á súa personalidade, única, o seu carisma e o seu virtuosismo”.