Unha persoa ferida tras caer co seu vehículo por un desnivel en Navia de Suarna
Unha persoa resultou ferida na mañá deste xoves tras caer co seu vehículo por un desnivel na localidade lucense de Navia de Suarna. A vítima era a única ocupante do turismo.
Segundo a información do CAE-112 Galicia, o accidente aconteceu sobre as 11,20 horas deste xoves na estrada que une Navia con Paradela, na parroquia de Pin.
Ata a zona desprazáronse efectivos dos Bombeiros de Sarria, GES de Becerreá e Garda Civil de Ourense, que despregaron un operativo para rescatar a vítima, dado que o terreo era de difícil acceso. A persoa ferida foi trasladada a un centro hospitalario polo 061, que mobilizou unha ambulancia e o helicóptero medicalizado.