Unha persoa ferida nunha colisión entre cinco coches en Redondela
Unha persoa resultou ferida na mañá deste xoves na AP-9 ao seu paso pola localidade pontevedresa de Redondela, nun accidente de tráfico no que se viron implicados cinco vehículos.
Segundo a información da Central de Atención a Emerxencias 112-Galicia, o suceso ocorreu sobre as 6,25 horas deste xoves no quilómetro 151 da AP-9, onde chocaron tres vehículos. Posteriormente, outros dous turismos chocaron contra o primeiro sinistro.
Até o lugar mobilizáronse efectivos de Garda Civil e de xestión de estradas, así como unha ambulancia do 061, que trasladou a unha persoa ferida a un centro hospitalario.