publicidade hoxe
Publicidade
omeulibro1

Recuperan o cadáver dun home preto da illa da Toxa e rescatan a outro afectado por hipotermia nunhas rocas

PUBLICADO EN: Noticias de GaliciaLocal PortadaO GrovePortada dereitaSucesos
A-
A+
Europa Press

Os servizos de emerxencias recuperaron durante a madrugada deste luns o cadáver dun home no mar, nas proximidades da Illa da Toxa, e rescataron a outras dúas persoas que se atopaban con el, unha delas con síntomas de hipotermia.

O suceso ocorreu sobre as 3,30 horas da madrugada deste luns. Aínda que as forzas da orde aínda investigan as circunstancias nas que se produciron os feitos, as primeiras hipóteses apuntan a que os tres homes practicaban pesca furtiva na zona.

Os tres afectados chegaron á zona nunha barca atracada nas proximidades da ponte da Illa da Toxa e foron sorprendidos pola subida repentina da marea.

No operativo de rescate participaron efectivos da Garda Civil, Protección Civil, mergulladores dos Bombeiros do Salnés e persoal sanitario do 061.

Así mesmo, foi alertado o Servizo de Gardacostas que, co helicóptero Pesca I, recuperou o corpo do falecido. Efectivos de Protección Civil rescataron das rocas a un home con síntomas de hipotermia, mentres que un terceiro, ileso, puido saír polos seus propios medios.

18 de xullo de 2016 | 10:08 • Sen comentarios

Comentarios pechados.