Ocean Colour Scene, Triángulo de Amor Bizarro e Freedonia pechan o cartel do Festival Noroeste
O XXX Festival Noroeste Estrella Galicia pecha o cartel do seu 30 aniversario con Ocean Colour Scene, Triángulo de Amor Bizarro e Freedonia Estes nomes únense aos xa confirmados Editors, Howe Gelb, Neil Halstead, Lagarta Nick, Carmen Boza e Niño de Elche, entre outros
A cita musical ofrecerá do 2 ao 7 de agosto un total de 60 concertos gratuítos para máis de 50.000 persoas en nove escenarios urbanos da cidade da Coruña, incluíndo a Praia de Riazor.
O venres 5 de agosto os británicos Editors actuarán na Praia de Riazor xunto a Triángulo de Amor Bizarro, mentres que o sábado 6 tocaralle a quenda a un dos principais representantes do britpop dos 90, Ocean Colour Scene, que compartirá escenario co grupo de soul e funk Freedonia.
Durante os días previos, do 2 ao 4 de agosto, ademais iranse sucedendo o resto de actuacións en escenarios urbanos de toda a cidade con nomes tan destacados como Howe Gelb, Neil Halstead, Niño Elche, Lagarta Nick, Sex Museum, Tachenko, Aries, Julián Maeso ou Carmen Boza.