Medio Rural e o Concello de Boqueixón colaboran no deseño e desenvolvemento de concentracións parcelarias
A conselleira do Medio Rural, Ángeles Vázquez, reuniuse hoxe co alcalde de Boqueixón, Ovidio Rodeiro, para avanzar na colaboración entre a Xunta e o Concello en materia do deseño e desenvolvemento de concentracións parcelarias neste municipio.
Neste sentido, a titular de Medio Rural comprometeuse a estudar, a petición do rexedor, a posibilidade de iniciar o proceso de concentración das parroquias de Sergude, Lamas, Vigo e Loureda.
Pola súa banda, o alcalde asumiu o compromiso de seguir achegando á Consellería do Medio Rural a documentación e os datos precisos para iniciar a devandita parcelaria, sempre cumprindo os prazos e esixencias legais pertinentes.