Un menor e catro adultos feridos nun accidente de tráfico en Bergondo
Catro adultos e un menor resultaron feridos durante a madrugada deste mércores nun accidente de tráfico rexistrado na localidade coruñesa de Bergondo. Segundo a información do CAE 112-Galicia, o suceso tivo lugar sobre as 4,00 horas da madrugada na estrada N-VI, ao seu paso pola parroquia de Guísamo, onde colisionaron dous vehículos.
Ata a zona desprazáronse efectivos de Bombeiros de Betanzos, Protección Civil e Garda Civil, así como persoal sanitario do 061, que trasladou aos feridos a un centro hospitalario.