Román Rodríguez aborda coa asociación de veciños de Vilatuxe as vindeiras actuacións na parroquia
O conselleiro de Cultura, Educación e Ordenación Universitaria, Román Rodríguez, abordou este martes coa directiva da Asociación de Veciños de Vilatuxe (Lalín) as próximas actuacións que o seu departamento vai levar a cabo na dita parroquia lalinense. No transcurso da reunión, á que tamén asistiu a directora xeral do Patrimonio Cultural de Galicia, María del Carmen Martínez Insúa, o conselleiro transmitiulle o compromiso da súa Consellería co cambio de cuberta da igrexa parroquial.