publicidade hoxe
Publicidade
omeulibro1

O DOG publica a licitación da ampliación do pontón na estrada Cachafeiro Vilapouca

PUBLICADO EN: Noticias de GaliciaForcarei
A-
A+

A Consellería de Infraestruturas e Vivenda, a través da Axencia Galega de Infraestruturas (AXI), publica hoxe no Diario Oficial de Galicia (DOG) a licitación por algo máis de 105.000 euros a ampliación dun pontón na estrada Cachafeiro-Vilapouca (PO-536),concretamente no punto quilométrico 3+770 ao seu paso polo Concello pontevedrés de Forcarei. O prazo de execución é de 12 semanas.

Esta vía comunica os dous parques empresariais de Forcarei: o situado en Cachafeiro (A Freixeira) e o de Vilapouca (David Raposeiras), polo que as accións acometidas redundarán directamente en beneficio dos traballadores que, día a día, circulan pola PO-536 para desprazarse ata o seu lugar de traballo. Esta intervención dá resposta a unha vella demanda veciñal, polo que foi necesario a mellora dun vial moi utilizada polos veciños do municipio.

Esta actuación complementa á finalizada en xaneiro do pasado ano, o reformado de adaptación ao Plan de Baixa IMD mellorada da estrada po-536 Cachafeiro-Vilapouca, que requirió de una inversión de case 790.000 euros.

A obra consistiu nunha pequena ampliación da plataforma da estrada entre 0,5 e un metro e a execución de gabias de seguridade transitables, ademais da rehabilitación de firme, que supuxo unha importante mellora das características deste vial.

8 de xuño de 2016 | 17:05 • Sen comentarios

Comentarios pechados.