publicidade hoxe
Publicidade
omeulibro1

A Consellería do Mar inviste 175.000 euros na mellora da ponte de Covelo e humanización da súa contorna

PUBLICADO EN: Noticias de GaliciaPoio
A-
A+

A Consellería do Mar, a través do ente público Portos de Galicia, investiu máis de 175.000 euros na mellora e humanización da contorna da nova ponte de acceso ao porto de Covelo, no municipio pontevedrés de Poio. O presidente do organismo portuario, José Juan Durán, visitou esta mañá os traballos executados e que xa se atopan rematados.

En concreto as obras consistiron, nunha primeira fase, na reforma da ponte de acceso ao porto a través da substitución do taboleiro de formigón armado. Esta plataforma presentaba desperfectos e aproveitando a súa substitución, ampliouse para que puidesen cruzarse dous carrís de circulación. Ademais instaláronse dúas beirarrúas, de xeito que mellora a seguridade peonil na zona. Esta primeira actuación contou cun investimento de 117.687 euros.

Unha vez executados estes traballos procedeuse á humanización e acondicionamento da contorna da beiramar na zona próxima. Para iso consolidáronse e renováronse os apoios, estribos e muros da nova ponte, trasladáronse parte dos servizos de abastecemento e media tensión eléctrica, e recubriuse unha tubaxe de saneamento. Finalmente, regularizouse o firme na zona para mellora da seguridade viaria e en concreto do tránsito rodado. Esta obra complementaria contou cun investimento de 59.000 euros.

30 de xuño de 2016 | 13:54 • Sen comentarios

Comentarios pechados.