Un tripulante dun pesqueiro foi evacuado a Burela

Unha embarcación de Salvamento Marítimo evacuou este xoves ata o porto de Burela (Lugo) a un tripulante dun pesqueiro debido a unha emerxencia médica. Segundo os datos facilitados por Salvamento Marítimo, ás 5.49 horas Salvamento recibiu unha chamada que pedía a evacuación dun tripulante do pesqueiro ‘Cruz e Cristo’, que atopaba a 50 millas ao Oeste de Burela.

Tras descartarse a evacuación por helicóptero, foi mobilizada a embarcación ‘Salvamar Alioth’ que levou ao tripulante ao porto de Burela, a onde chegou sobre as 7.50 horas. Presentaba perdas de conciencia e mareos, pero estaba estable.

No porto esperaba unha ambulancia asistencial do 061 para atender ao tripulante, M.V.R., de 40 anos, que foi levado ao Hospital da Costa, en Burela, segundo concretaron fontes sanitarias.