publicidade hoxe
Publicidade
omeulibro1

O exalcalde de Ribadumia Nené Barral elude entrar en prisión

PUBLICADO EN: Noticias de GaliciaLocal PortadaRibadumia
A-
A+
Europa Press

O exalcalde de Ribadumia co Partido Popular José Ramón ‘Nené’ Barral ratificou este mércores no Xulgado do Penal Número 2 de Pontevedra o acordo alcanzado coa Fiscalía e o Avogado do Estado polo que elude ir a prisión e exoneran as súas tres fillas dos delitos fiscais que el asumiu.

A cambio de recoñecer que non pagou ao fisco español 135.000 euros no ano 2006 e máis de 202.000 euros un exercicio máis tarde, Barral aceptou unha condena de seis meses de prisión por cada un dos dous delitos fiscais.

Esta pena de cárcere imposto será agora substituída polo pagamento dunha multa dun total de 4.320 euros, que terá que ser aboada no prazo dun mes.

Como requisito previo para alcanzar este acordo Nene Barral ingresou no xulgado 720.000 euros, dos que 338.000 euros corresponden á cantidade defraudada, ao que se suman os intereses e dúas multas de 88.000 euros e 131.000 por ambos os dous dous delitos. Tamén se inclúen tamén as costas xudiciais.

SENTENZA FIRME

O avogado que representou a súa defensa, Carlos Seoane, á saída do xulgado comentou que “esta sentenza lle permite regularizar a súa situación fiscal con Facenda”.

En virtude deste acordo de conformidade a sentenza ditada polo xulgado é firme e contra ela non cabe recurso.

4 de maio de 2016 | 16:45 • Sen comentarios

Comentarios pechados.