Juan Viñas convértese no novo director corporativo de mercadotecnia de Nueva Pescanova
Nueva Pescanova nomeou a Juan Viñas como director corporativo de mercadotecnia, no marco da reestruturación en curso dos equipos directivos da multinacional galega.
Así, tras o nomeamento de Ignacio González como CEO da compañía incorpórase Juan Viñas, enxeñeiro agrónomo pola Universidade Politécnica de Madrid, PDD do IESE Business School e cun MBA en Industria Alimentaria polo CIHAEM de Montpellier (Francia).
Traballou en Sopexa e no Grupo Lactalis durante máis de 25 anos en postos de dirección de Mercadotecnia en España e outros países europeos como Francia, xestionando integracións e marcas como President, Flor de Esgueva, Puleva, Grande Capitán, Parmalat, Mama Luise, El Ventero e Chufi, entre outras.