Dúas persoas feridas nun accidente de tráfico múltiple en Bergondo

Dúas persoas resultaron feridas a última hora deste xoves nun accidente de tráfico rexistrado na localidade coruñesa de Bergondo e no que se viron implicados catro vehículos. Segundo informou a Central de Atención a Emerxencias 112-Galicia, o sinistro aconteceu sobre as 21.45 horas no quilómetro 579 de na estrada N-VI, preto do polígono industrial de Bergondo.

Ata o lugar do suceso desprazáronse efectivos dos Bombeiros de Betanzos, Protección Civil e Garda Civil de Tráfico, así como persoal sanitario para atender os dous feridos. A consecuencia do choque, na zona producíronse retencións de máis dun quilómetro.