A Deputación de Pontevedra entrega 150.000 euros ao Concello do Porriño para a mellora do alumeado exterior

A Xunta de goberno da Deputación de Pontevedra ven de aprobar unha axuda ao concello do Porriño con cargo a liña 1, investimentos, do Plan Concellos 2016. A contía, por valor de 149.951,19 €, destinarase á renovación das instalacións do alumeado exterior.

Esta axuda súmase ós 112.412,56 €, encaixados na liña 1, destinados á rede de saneamento en Albarin; 38.000 €, liña 3, para o financiamento da escola municipal de música e para o apoio e reforzo escolar a menores en desvantaxe; e 228.150,60 €, liña 4, para a creación de trinta novos postos de emprego no concello.

A Deputación provincial leva entregados xa 566.514,35 € o concello, o que representa o 55,87 % do total destinado para Porriño no marco do Plan Concellos 2016.