Unha persoa ferida nun accidente de tráfico en Mos
Unha persoa resultou ferida nun accidente de tráfico rexistrado na localidade pontevedresa de Mos e no que se viron implicados tres vehículos. Segundo informou a Central de Atención a Emerxencias 112-Galicia, o suceso aconteceu sobre as 11,00 horas deste luns na autovía a-55 en dirección a Vigo, ao seu paso por Mos.
Ata o lugar do suceso desprazáronse os efectivos da Garda Civil de Tráfico, do Servizo Municipal de Emerxencias, dos Bombeiros de Baixo Miño e de mantemento de estradas, así como unha ambulancia do 061 que prestou asistencia á muller ferida.