Deteñen a un vigués que se mostrou violento coa súa muller e amagou con coller un coitelo
Axentes da Policía Local de Vigo detiveron como presunto autor dun delito de violencia de xénero a un veciño de 46 anos que mostrou unha actitude violenta cara á súa muller e amagó con coller un coitelo da cociña.
Segundo informou a Policía Local, sobre as 2,40 horas deste venres, unha patrulla desprazouse ata un domicilio da rúa Tomás Delmiro Martínez Silva, onde supostamente estábase a producir un episodio de violencia de xénero.
No lugar, unha muller indicou aos axentes que o seu marido, mentres se atopaba baixo os efectos do alcohol, lle empezou a recriminar cousas e se a mostrar celoso, cunha actitude “cada vez máis violenta”. Ademais, segundo indicou, nun momento dado dirixiuse á cociña con intención de coller un coitelo dos caixóns.
Ante esta situación, a muller, que comunicou que no pasado sufrira situacións similares aínda que o home nunca fixera o ademán de coller un coitelo, aproveitou para empurralo e pechar a porta con chave, antes de chamar a policía.
Os axentes corroboraron que o varón se atopaba baixo os efectos do alcohol, se ben dixo que non falaría de nada. Por iso, procederon á detención deste individuo, que responde ás siglas J.M.V.F. e durante o seu trasladado a comisaría insultou e ameazou de morte a súa muller.