O BNG felicita ao festival de Cans por promover a visibilidade das mulleres

O BNG felicita ao festival de Cans, que se celebra anualmente na localidade pontevedresa do Porriño, tras coñecer o Decálogo para promover a visibilidade das mulleres que a organización deste festival fixo público hai uns días. “O BNG quere saudar e felicitar esta iniciativa publicamente”, sinala.

“Son moitos aínda os espazos nos que as mulleres son secundarizadas ou invisibilizadas. A falta de referentes femininos é unha constante que dificulta as posibilidades para que as mulleres se empoderen e poidan desenvolver a súa actividade profesional”, lamenta o Bloque nun comunicado.

Neste sentido, a formación nacionalista considera “un importante avance” a iniciativa de detallar nun decálogo unha serie de accións para fomentar a presenza de mulleres e o compromiso de facelo dende o mundo do cinema, un ámbito “cunha baixa presencia feminina, en moitas ocasións, reducida a estereotipos e estigmatizada”.

Para a voceira nacional do BNG, o decálogo convértese nunha “ferramenta de intervención social” e destacou que aproveita a data do 8 de marzo -que recentemente se celebrou- para “trasladar propostas que pretenden transformar a sociedade con mudanzas significativas que incrementen a visibilidade feminina”.

O BNG tamén se comprometeu a “traballar pola visibilidade” das mulleres e o seu “empoderamiento”, tanto a nivel social como institucional. “Pasado xa o 8 de marzo, son moitos os espazos en que se pecha unha páxina ata o próximo ano”, lamentou, para asegurar, liña seguida, que o Bloque “continuará traballando para construír un modelo de sociedade igualitaria e sen discriminacións”.

Neste sentido, recolle a luva lanzada polo Festival de Canas para facer promoción de a “visibilidade feminina no mundo audiovisual e do cinema” e, por extensión, nos ámbitos de creación artística e cultural.