publicidade hoxe
Publicidade
omeulibro1

Confírmase que o corpo achado en Belesar é o do xoven desaparecido en Láncara

PUBLICADO EN: Noticias de GaliciaChantadaLáncaraLocal PortadaPortada dereitaSucesos
A-
A+
Europa Press

O alcalde de Chantada, Manuel Varela, confirmou que o corpo localizado este luns por un veciño que paseaba na zona da ponte do encoro de Belesar é o do mozo de 23 anos veciño de Láncara (Lugo) desaparecido hai un mes. A falta dos datos da autopsia que confirmen esta identificación, o rexedor adiantou que o corpo pertence ao xoven, dado que o cadáver tiña a documentación do desaparecido, e lamentou a “perda” para a súa familia.

Un veciño que pasaba pola zona localizou sobre as 9,00 horas do luns un cadáver flotando neste encoro, situado no concello lucense de Chantada. Até o lugar desprazáronse efectivos de Protección Civil, Policía Local, Garda Civil e Bombeiros para retirar o corpo da auga.

O xoven Jordi Sobrado desapareceu hai un mes tras desprazarse até a cidade de Santiago de Compostela para ver á súa noiva. Ao seu regreso a Láncara, a súa familia perdeulle a pista e o seu vehículo foi localizado días despois nas proximidades do encoro de Belesar.

De feito, efectivos de emerxencias e mergulladores da Garda Civil buscaron ao mozo durante varias xornadas no encoro, dado que todo parecía indicar que se atopaba alí.

14 de marzo de 2016 | 16:56 • Sen comentarios

Comentarios pechados.