Vitoria do Miudo de Francisca Barros no Trofeo Vitaldent do Monte Real

Emocionante segunda etapa do Trofeo Vitaldent organizado polo Monte Real Club de Iates. As condicións do vento, con picos de até 20 nós, e do mar, con ondas que superaron o tres metros, encheron de emoción as regatas celebradas esta tarde na bahía de Baiona.

O Miudo de Rui Ramada, patroneado nesta ocasión pola súa filla Francisca Barros, fíxose co triunfo da xornada tras lograr tres segundos postos no tres probas disputadas. A tripulación liderada pola regatista lusa logrou imporse aos que foron os seus dous rivais máis duros na auga, o Virazón, patroneado por Gerardo Alonso, e o Alumisel de Willy Caamaño. Ambos realizaron un gran traballo na auga e colocáronse en segunda e terceira posición respectivamente, separados apenas por un punto.

O Ferralemes, con Enrique Porto á cana, saíu disposto a dar guerra e superar o bronce conseguido na primeira xornada, pero finalmente caeuse do podio provisional e tivo que conformarse cun meritorio cuarto posto. 

A Lúa Nova de Juan Luís Tuero, patroneado hoxe por José Gándara;  o Namasté de Luís de Mira e o Pazo de Cea de Rita Hernández colócanse en quinta, sexta e sétima posición. Pecha a clasificación a Escola Náutico Corvo mariño, que hoxe non competiu.

A próxima cita co Trofeo Vitaldent, organizado en exclusiva para a clase J80, será o sábado 13 de febreiro. Coincidirá en data co Campionato Galego de 420, que tamén organiza o Monte Real Club de Iates.