publicidade hoxe
Publicidade
omeulibro1

Redondela e Arbo solicitarán a declaración de zona catastrófica polo temporal

PUBLICADO EN: Noticias de GaliciaArboFornelos de MontesLocal PortadaO PorriñoRedondela
A-
A+
Europa Press

Os concellos de Arbo e Redondela, en Pontevedra, solicitarán a declaración de zona catastrófica para acollerse á liña de axudas reguladas polo Real Decreto 307/2005, segundo confirmaron fontes destes municipios, e facer fronte aos danos derivados do temporal dos últimos días.

No caso de Arbo, o alcalde Horacio Gil publicou un bando no que informa os veciños de que se iniciarán os trámites para solicitar esas axudas, e lles insta a comunicar por escrito ao Concello os danos rexistrados nas súas propiedades.

No caso de Redondela, o concelleiro de Interior, Arturo González, confirmou que “por suposto” se solicitará esa declaración, tras os “importantísimos” danos rexistrados neste municipio, a zona urbana do cal resultou anegada en numerosos puntos debido ao desbordamento do río Alvedosa.

O edil redondelano sinalou que o municipio “recupera pouco a pouco a normalidade” este luns e, aínda que xa se abriron ao tráfico as rúas do centro do pobo, a maquinaria municipal segue traballando na zona de Santo Esteban de Negros donde una avalancha de lodo e pedras causou problemas importantes en esta zona rural Esteban de Negros, onde unha avalancha de lama e pedras causou problemas importantes nesta zona rural.

O alcalde de Redondela, Javier Bas, explicou que “se están a avaliar os danos” causados pola climatoloxía adversa, e se están a estudar as circunstancias do desbordamento do río. Así mesmo, con respecto a Santo Esteban de Negros, o rexedor mostrou a súa sospeita de que a riada de barro e ramas se debeu a un embalsamiento de auga, monte arriba, provocado por unha vertedura ilegal.

OUTROS MUNICIPIOS

No caso de Ponteareas, tamén se traballa para avaliar as consecuencias das inundacións, desprendementos de terras e outros incidentes, segundo explicou o alcalde, Xosé Represas, quen precisou que aínda non hai unha cifra sobre as repercusións económicas.

O primeiro edil de Ponteareas recordou que o temporal afectou a instalacións deportivas municipais, estradas secundarias e propiedades particulares, aínda que non se rexistraron danos persoais, máis alá de que varios veciños tiveron que ser rescatados ao estar rodeado pola auga. En canto estean cuantificados os danos, apuntou, “reclamaranse axudas a outras administracións”.

En Gondomar, as inundacións e caídas de muros e árbores mantiveron traballando a pleno rendemento a todos os efectivos de Policía Local, voluntarios de Protección Civil e do GES Val Miñor. Os danos materiais aínda non foron calculados e os equipos seguen traballando nalgúns viais para paliar as “consecuencias colaterais” do temporal.

OBRAS POR 300.000 EUROS

No caso de Mos, a súa alcaldesa, Nidia Arévalo, lamentou que se produciron “danos grandísimos” en viais do municipio e en propiedades privadas. Así, recordou que un dos incidentes máis importantes se rexistrou en Guizán, onde a caída dun muro de contención “chegou a poñer en perigo un vivenda”.

Arévalo sinalou que eses contratempos obrigaron a cortar ata 8 estradas neste concello e, aínda que se reabriron ao tráfico, os operarios municipais seguen traballando na limpeza das calzadas.

Ademais, a rexedora advertiu de que as chuvias causaron tales danos que, polo menos en catro desas estradas, será necesario acometer “obras importantes” cun custo duns 300.000 euros. A ese respecto, advertiu de que o concello de Mos “non ten capacidade económica” para facerse cargo deses traballos.

O PORRIÑO E FORNELOS

A alcaldesa do Porriño, Eva García de la Torre, explicou que os técnicos municipais seguen avaliando os danos causados polo temporal, que nesta localidade provocou, entre outras incidencias, o desbordamento do río Louro, caída de ramas e árbores, desprendementos en noiros, etc.

A rexedora sinalou que, nestes momentos, aínda non se cuantificaron os danos, que se rexistraron tanto en propiedades municipais coma en terreos particulares. Non obstante, precisou que o Concello non descarta reclamar a declaración de zona catastrófica para optar a axudas.

O alcalde de Fornelos de Montes, Emiliano Page, confirmou que as chuvias provocaron “avenidas importantes de auga”, aínda que os estragos foron limitados. Aínda así, afirmou que o municipio pedirá “axuda económica á Xunta” para acometer reparacións.

Por outra banda, a Xunta confirmou este luns a reapertura do tramo do ‘Corredor do Morrazo’, en sentido Cangas, que permanecía pechado ao tráfico dende o pasado venres por desprendementos.

15 de febreiro de 2016 | 19:03 • Sen comentarios

Comentarios pechados.