publicidade hoxe

O piragüismo galego reúnese en Verducido

PUBLICADO EN: Noticias de GaliciaDeportesDeportes PortadaPontevedra
A-
A+

O vindeiro sábado día 6 de febreiro celébrase no encoro David Cal en Verducido o control de 5000m para as categorías Cadete, Xuvenil, Senior e Veterano, nas modalidades de canoa e kaiak tanto en categoría masculina como feminina.A proba está organizada polo comité técnico da Federación Galega de Piragüismo. Esta regata é de carácter amigable e está incluída no programa de seguimento elaborado para o ano 2016.

A menos dun mes para o inicio das distintas ligas galegas os clubs buscan nesta competición saber o punto de forma que teñen os seus deportistas a estas alturas da tempada.

O elevado número de participantes maniféstase sobre todo na categoría home senior kaiak e veterano onde participan máis de 140 deportistas ou nos homes cadetes Kaiak que suman 98 participantes. Estes datos mostran a tendencia ascendente dos últimos anos, onde a federación galega aumentou o seu número de licenzas considerablemente.

Doutra banda, o domingo celebrarase no mesmo lugar, o control de 5000m para as categorías Infantil A e B nas modalidades de canoa e kaiak tanto en categoría masculina e feminina que congregarán a máis de 200 deportistas.

5 de febreiro de 2016 | 13:55 • Sen comentarios

Comentarios pechados.