O Concello do Grove remata as obras de adecentamento da fachada do Colexio de Rosalía de Castro

Logo de que o Concello do Grove tivera que asumir as obras de reforma das fachadas do antigo edificio dos mestres e do propio edificio do Colexio ante a inactividade da Consellería de Educación responsable do inmoble, esta semana rematáronse as obras adicionais. Trátase do pintado e adecementamento das dúas fachadas do Colexio tanto na Rúa Conchases como na propia Rosalía de Castro. Deste xeito o Colexio conta cunha mellora notable no relativo a súa seguridade externa o que permitíu, xa hai varias semanas, a repertura do patio traseiro logo de que este tivera que ser vallado debido aos riscos que de desprendementos da fachada do edificio colindante.