publicidade hoxe

A alcaldesa de Moraña abordará co concelleiro que insultou a Carmela Silva o seu futuro

PUBLICADO EN: Noticias de GaliciaLocal PortadaMoraña
A-
A+
Europa Press

A alcaldesa de Moraña (Pontevedra), a popular Luisa Piñeiro, abordará o futuro do concelleiro Jorge Caldas, que chamou “mala raposa e sinvergüenza” á presidenta da Deputación, Carmela Silva, nunha reunión con el prevista para este venres, cando o edil regresa dunha viaxe, pero por agora o manterá no cargo.

En declaracións, a rexedora condenou os insultos que Caldas dirixiu a través dunha rede social á presidenta da Deputación, e recoñeceu que o dito é “grave”, pero “a día de hoxe”, tras falar brevemente e por teléfono con el, acepta as súas desculpas.

Piñeiro sinalou que o concelleiro está de viaxe e regresa o venres, cando prevé “sentar” con el e analizar “as consecuencias” que deben ter as manifestacións do edil, sen descartar ningún tipo de medida, incluídos o seu cesamento -como esixe o PSOE-, pero tampouco a súa continuidade no cargo, con competencias, precisamente, na área de igualdade.

Á pregunta de se o vai cesar, a alcaldesa contestou que “non” porque “está a esperar” a reunirse con el. “Está moi arrepentido e desgustado e pide desculpas publicamente. O que vou facer é sentarme a analizalo con el. A día de hoxe acepto as desculpas, pero non xustifico este comentario, condénoo totalmente. Ten que pedir desculpas e dar explicacións”, explicou Piñeiro.

Sobre as decisións que tome, apelou a “valoralo” previamente, e acerca da ameaza de ruptura de relacións co PSOE provincial, afirmou non saber se realmente as teñen. “Alí poucas vexo, co que está a pasar nos plenos”, apuntou en alusión á Deputación.

NON SABE SE DEU UN GÚSTAME’

Por outra parte, ao respecto da esixencia de responsabilidades que se dirixen a ela mesma, por suposta complicidade ao dar un suposto gústame’ a un comentario ofensivo en ‘Facebook’, a rexedora sinalou que “por desgracia” non pode comprobalo -os comentarios foron eliminados tras a polémica xerada-, pero asegurou dubidalo “moito”.

“Non utilizo redes sociais, paréceme extrañísimo que sexa meu, pero non o podo demostrar. Cando me decatei deste tema descoñecía este comentario, aínda que vira outros, sobre o tema do rallye”, indicou.

3 de febreiro de 2016 | 16:42 • Sen comentarios

Comentarios pechados.