Un xoven unha condena de ano e medio de prisión por unha pelexa nunha discoteca de Carballo

Un novo acusado de participar nunha pelexa nunha discoteca de Carballo (A Coruña) foi condenado a un ano e medio de prisión tras chegar a unha conformidade coa Fiscalía, que rebaixou a súa petición inicial de catro anos.

O procesado enfrontábase a un delito de lesións por supostamente golpear cun vaso de cristal na fronte a unha rapaza que se pelexara coa súa noiva.

Os feitos que xulgaría este mércores a Audiencia Provincial da Coruña tamén sentaban no banco dos acusados a outros tres mozos, presuntamente involucrados na rifa. Estes finalmente foron exculpados ao aplicárselles a reforma do Código Penal.

Segundo o escrito da Fiscalía, os feitos aconteceron na madrugada do 28 de maio de 2011 no interior dunha discoteca de Carballo. Alí, dúas rapazas, unha delas noiva do procesado, “inician unha discusión entre ambas as dúas e pasando a continuación a pelexarse, agarrándose ambas as dúas mutuamente do pelo”.

INDEMNIZACIÓN

Ao ver o que estaba a acontecer, o agora condenado, “lonxe de tranquilizar os ánimos”, tamén colle do pelo á outra rapaza “e cun vaso de cristal a golpea na fronte, tirándoa ao chan onde seguiu golpeándoa”.

Ademais da pena de prisión, o mozo terá que indemnizar a vítima na cantidade de 5.100 euros polas secuelas producidas na liorta.