Un home de 48 anos falece ao ser atropelado por un vehículo en Ponteareas

Un home de 48 anos, P.S.M., faleceu este mércores ao ser atropelado por un vehículo en Ponteareas (Pontevedra). Segundo informaron o Centro de Atención a Emerxencias (CAE) 112 e o 061, a vítima foi alcanzada por un vehículo na N-120, no punto quilométrico 642, en sentido A Cañiza.

Así o relatou o particular que deu o aviso ao 112 sobre as 20,00 horas deste mércores. O CAE 112 mobilizou a Urxencias Médicas, Policía Local, Garda Civil de Tráfico e Protección Civil de Ponteareas. Ademais, informouse o persoal do servizo de mantemento e limpeza da vía do Ministerio de Fomento.

Como medios e efectivos médicos, enviáronse ao lugar unha ambulancia asistencial, unha ambulancia medicalizada do 061 e persoal sanitario do PAC de Ponteareas, aínda que o home atropelado faleceu no punto malia os esforzos do equipo sanitario.