publicidade hoxe
Publicidade
omeulibro1

Papá Noel recibirá este mércores aos máis pequenos dos colexios de Laxe no local social do Concello

PUBLICADO EN: Noticias de GaliciaLaxe
A-
A+

Despois das xestións realizadas polo Departamento de Cultura do Concello de Laxe en estreita colaboración e coordinación cos tres centros escolares, é para nós un pracer informarvos de que A PARTIR DAS 10:00 DE MAÑÁ (MÉRCORES 16 DE DECEMBRO), PAPÁ NOEL ACHEGARASE ATA O CONCELLO DE LAXE un ano máis para recibir aos máis pequenos e pequenas do CPI Cabo da Area e das Escolas Unitarias da Torre e Traba.

A ACTIVIDADE, QUE SE DESENVOLVERÁ NO LOCAL SOCIAL VALLE INCLÁN DE LAXE, TERÁ UN CARÁCTER PECHADO PARA O ALUMNADO de infantil e dous primeiros cursos de primaria destes centros.

Durante algo máis dunha hora, cada un dos rapaces e rapazas poderán sentarse no colo de Papá Noel para facerlle as súas últimas peticións para a noite do 24 de decembro e entregarlle as súas cartas.

O Papá Noel este ano, fíxolles chegar tamén a cada centro unha carta na que os convidaba ao encontro e lles pedía: un debuxo para agasallarlles aos gnomos que tanto traballan con el todo o ano na elaboración de xoguetes e tamén que acudiran á visita con algún atuendo navideño ou prenda de cor encarnada para poder sacar unha foto en conxunto da visita cando menos, diferente.

Despois da Visita ao Papá Noel e para que aínda se cabe os nenos e nenas disfruten máis da xornada, a partir das 11.15 horas no salón de actos municipal, terá lugar a actuación da CONTACONTOS SOLEDAD FELLOZA que fará un percorrido polas diferentes personaxes de nadal que nos atopamos en diferentes zonas e países do mundo.

A actuación terá tamén un carácter pechado para o alumnado e profesorado.

(Aclaramos que de cara a poder sacar algunha fotografía, ao tratarse dunha actividade pechada, quedará aberta tan só a porta de acceso ao salón de actos que comunica co escenario: a situada xusto enfrente da entrada principal ao local social situado na rúa Valle Inclán)

Sen dúbida, será unha mañá chea de ilusión e maxia para todos e todas eles.

Como xa vos comentabamos, os días 21, 22 e 23 nalgunha comunicación anterior, temos programado realizar uns OBRADOIROS DE CONCILIACIÓN NOS TEMPOS DE NADAL PARA MENORES ENTRE OS 4 E OS 10 ANOS en horario de 10:30 a 13:30 horas no Local Social Valle Inclán.

Estes obradoiros só se levarán a cabo si se cubre un mínimo de 10 inscricións, tendo como límite de prazas un máximo de 15. PARA PODER PARTICIPAR NOS OBRADOIROS É NECESARIO TRAMITAR A INSCRICIÓN NAS OFICINAS DE CULTURA DO CONCELLO DE LAXE DURANTE ESTA SEMANA. Dito prazo permanecerá aberto ata este venres ás 13 horas.

15 de decembro de 2015 | 10:50 • Sen comentarios

Comentarios pechados.