O Concello de Vilagarcía complementa a iluminación de Nadal

O Concello de Vilagarcía complementará a iluminación de Nadal sumando aos elementos decorativos instalados nas rúas da cidade a decoración de edificios públicos e zonas emblemáticas. Os Servizos de Electricidade e Parques e Xardíns serán os encargados de ornamentar a Praza de Abastos, o Xardín de Ravella, a Alameda ou a fachada da Casa da Cultura, entre outros.

Unha vez que xa rematou a instalación do alumeando contratado externamente polo Concello para as rúas e prazas, agora comezan os traballos que levará a cabo directamente a administración local. Utilizaranse diversos motivos decorativos como os farois que se colgarán das árbores dos Xardíns de Ravella e das da Alameda. Tamén se utilizarán mallas de micro bombillas les, estrelas, arcos e outros elementos ornamentais relacionados co Nadal para destacar inmobles e espazos emblemáticos.

Dentro da liña de colaboración que o Concello leva a cabo cos praceiros a efectos de dinamizar as ventas no mercado tradicional, tamén está previsto decorar o interior da Praza de Abastos.

A inauguración da iluminación de Nadal en Vilagarcía terá lugar este venres, 4 de decembro, e permanecerá ata o 7 de xaneiro. O Concello incrementou este ano a partida destinada a financiar o aluguer do alumeado decorativo e tamén optou por distribuír mellor os elementos dispoñibles para chegar a máis zonas da vila. Entre as novidades deste ano é que Vilaxoán e Carril tamén contarán cos seus respectivos conos navideños a semellanza dá que se pon na Praza de Galicia, e que se colocarán na Praza de Rafael Pazos e na Praza da Liberdade respectivamente.