Extinguido o incendio forestal rexistrado en Vilariño de Conso

O incendio forestal rexistrado na parroquia de Chaguazoso do termo municipal de Vilariño de Conso (Ourense) quedou extinguido tras queimar unhas 40 hectáreas de monte raso. Segundo informou a Consellería de Medio Rural, o lume comezou ás 15,26 horas do xoves, tras quedar controlado ás 21,12 horas e deuse por extinguido ás 23,10 horas do mesmo xoves. Nas tarefas de extinción deste lume participaron catro axentes forestais, seis brigadas, unha motobomba e un helicóptero, segundo indicou Medio Rural.