Controlado un incendio forestal en Chandrexa de Queixa
O incendio forestal que comezou na tarde do domingo no municipio ourensano de Chandrexa de Queixa quedou controlado na mañá deste luns. Segundo informou a Consellería de Medio Rural, o lume comezou ás 19,08 horas do domingo na parroquia de Queixa, do municipio de Chandrexa de Queixa, e quedou controlado ás 11,14 horas deste luns.
As estimacións provisionais apuntadas pola Consellería de Medio Rural sitúan a superficie afectada por este lume en máis de 20 hectáreas. Nos labores de extinción deste incendio traballan catro axentes forestais, 12 brigadas e unha motobomba.