publicidade hoxe
Publicidade
omeulibro1

Prisión comunicada e sen fianza para o detido en Ponte Caldelas pola morte da parella do seu ex

PUBLICADO EN: Noticias de GaliciaPonte CaldelasSucesos
A-
A+
Europa Press

O Xulgado de Instrución Número 1 de Pontevedra, en funcións de garda, decretou este luns prisión provisional comunicada e sen fianza para o home detido en Ponte Caldelas pola morte da parella da súa exnoiva.

Así o informou o Tribunal Superior de Xustiza de Galicia (TSXG), que puntualizou, ademais, que o individuo detido é investigado por un suposto delito de homicidio.

O home foi trasladado este luns ao xulgado de garda para pasar a disposición xudicial tras recibir a alta médica na Unidade de Psiquiatría do Complexo Hospitalario de Pontevedra (CHOP).

O suceso tivo lugar na mañá do sábado no domicilio que a vítima compartía coa súa parella na rúa México da localidade pontevedresa de Ponte Caldelas, que este luns gardou un minuto de silencio en repulsa polo crime e en solidariedade coa familia da vítima.

AMEAZAS

Ao lugar do crime acudiron os servizos sanitarios e a Garda Civil, que detivo o presunto autor dos feitos nas inmediacións. Así, o home permanecía arrestado dende as 10,00 horas do sábado.

O falecido é a parella da exnoiva do presunto autor, Manuel Ángel Rivas Muíños, de 39 anos, coñecido como ‘Manolán’ na súa localidade. A vítima puxera en coñecemento dos seus familiares que recibira ameazas por parte do home detido.

30 de novembro de 2015 | 18:49 • Sen comentarios

Comentarios pechados.