publicidade hoxe

O CIM de Palas de Rei organiza unhas xornadas de emprendemento e busqueda de emprego femenino

PUBLICADO EN: Noticias de GaliciaPalas de Rei
A-
A+
Visita do alcalde ás instalacións do CIM

Visita do alcalde ás instalacións do CIM

No marco da REDE EMPRENDE EN IGUALDADE a Secretaría Xeral da Igualdade, en colaboración co Colexio Profesional de Enxeñaría en Informática de Galicia (CPEIG) o Centro de Información a Muller de Palas de Rei está a levar a cabo unhas xornadas formativas para mellorar, mediante o uso das novas tecnoloxías, as capacidades de emprendemento e busca de emprego feminino, coa seguinte temática:

a) Iniciación a Internet e Redes sociais

b) Novas tecnoloxías e emprendemento

c) Novas tecnoloxías e búsqueda de emprego

d) Redes e transposición de experiencias

e) Perspectiva de xénero.

Abrangue actuacións de asesoramento, formación e apoio ás mulleres potencialmente emprendedoras para axudalas na posta en marcha e modernización das súas empresas e na busca de emprego, cara a fomentar a súa adaptabilidade e competitividade no mercado actual.

Está previsto, que as xornadas teñan lugar na aula de informática do IES do Camiño- Praza da Ulloa s/n 27200 Palas de Rei, nas datas e horarios que se indican:

· Datas: 16,18,19, 20 e 23  de novembro  de 2015

· Lugar:  aula de informática do IES do Camiño- Praza da Ulloa s/n 27200 Palas de Rei

· Horario: 16:00 h a 20:00  horas

· Nº máximo de participantes: 20-25 dependendo da capacidade da súa aula CEMIT.

Está aberto o prazo de incripción (gratuita) para estas Xornadas , no Centro de Información a Muller de Palas de Rei (CIM) ou ben chamando ao teléfono 982380003

Estas Xornadas, están enmarcadas, dentro da programación de actividades do Centro de Información a Muller de Palas de Rei, con motivo do Día Internacional contra a Violencia de Xénero.

10 de novembro de 2015 | 14:04 • Sen comentarios

Comentarios pechados.