Identifican ao suposto autor de varios roubos con forza en interior de vivendas de Baiona
Como resultado das investigacións levadas a cabo por efectivos do Posto Principal da Garda Civil de Baiona-Nigrán, para o esclarecemento dos roubos con forza no interior de vivendas durante o pasado mes de outubro, a Garda Civil identificou a JA.L.G., de 43 anos de idade e veciño de Baiona, actualmente ingresado no Centro Penal da Lama, como presunto autor de, polo menos, TRES roubos na mesma localidade de Baiona.
O investigado, que non posuía domicilio e vivía na indixencia, entraba en segundas vivendas onde durmía e comía, para finalmente subtraer efectos que gardaba nun garaxe no barrio de Bahía (Baiona), onde se recuperaron varios dos efectos roubados.
A área de Investigación do Posto Principal da Garda Civil de Baiona instrúe as correspondentes dilixencias que serán remitidas ao Xulgado de Instrución número CINCO de Vigo.