publicidade hoxe
Publicidade
omeulibro1

Sanidade investiga o contaxio dunha bacteria que afecta 65 escolares e 2 profesores de Cospeito

PUBLICADO EN: Noticias de GaliciaCospeitoLocal Portada
A-
A+
Europa Press

A xefa de servizo de Sanidade na delegación da Xunta en Lugo, Patricia Daporta, explicou este mércores que se “está a investigar” a “fonte” de contaxio do estreptococo, bacteria que provoca, entre outras enfermidades, a farinxite, que afecta a 65 escolares e dous profesores do colexio Virxe do Monte do municipio lucense de Cospeito.

Daporta concretou que o martes foron 67 pequenos ao pediatra, dos cales “65 foron positivos en estreptococo”, tras ou que se informou o colexio.

“E tómanse medidas hixiénicas, como que os nenos non utilicen o mesmo vaso para beber e distribúense vasos de plástico co nome de cada neno para evitar a transmisión”, manifestou. “Estamos a investigar a ver o que puido pasar”, apostilou.

Patricia Daporta manifestou que entende que “coas medidas hixiénicas que se están a tomar debería estar controlado” este brote. “O que temos que evitar é o contaxio entre nenos enfermos e nenos sans. Entendemos que non deben de aparecer máis casos”, sostivo.

“O estreptococo é unha bacteria que vive habitualmente connosco, o rechamante é o volume e o tempo, o número de casos nun tempo tan curto,”, detallou. “Estamos a ver cual puido ser a fonte de contaxio”, concluíu.

7 de outubro de 2015 | 16:16 • Sen comentarios

Comentarios pechados.