publicidade hoxe
Publicidade
omeulibro1

Os alcaldes do Consorcio As Mariñas acordan renegociar os contratos

PUBLICADO EN: Noticias de GaliciaA CoruñaArteixoBergondoBetanzosCambreCarralCulleredoOleirosSada
A-
A+

Os nove Concellos que conforman o Consorcio As Mariñas mantiveron no mediodía de hoxe unha reunión na sede da entidade de cara a analizar a situación actual e os próximos pasos a seguir no proceso de transformación a mancomunidade. O encontro estivo presidido por José Antonio Santiso, alcalde de Abegondo e presidente do Consorcio, e contou coa asistencia dos alcaldes de Arteixo, Bergondo, Betanzos, Cambre, Carral, Culleredo e Sada, e a primeira tenente de alcalde de Oleiros.

Froito desta reunión, os nove Concellos acordaron continuar de forma conxunta e unida co proceso da seguinte forma:

- O Consorcio dáse o prazo dun mes para renegociar os contratos coas concesionarias dos servizos de recollida e de tratamento dos residuos sólidos urbanos. O obxectivo é tratar de lograr un abaratamento dos custos e melloras na calidade dos servizos.

- Pedir ao Concello da Coruña que transmita as súas intencións coa planta de Nostián, de cara a dispor de todos os datos para determinar si o Consorcio continúa en devandita planta.

- Estudar a creación dun catálogo de posibles servizos a mancomunar para coñecer as distintas opcións plausibles no futuro.

- Completadas este tres cuestións, continuarase coa tramitación da creación da mancomunidade. Mentres, o actual Consorcio continuará como tal.

Ademais, o Consorcio quere pedir desculpas polos enfrontamentos públicos xerados os últimos días, por existir distintos pareceres, que non conduciron a ningunha parte.

21 de outubro de 2015 | 20:04 • Sen comentarios

Comentarios pechados.