publicidade hoxe
Publicidade
omeulibro1

O ADN de Asunta estaba na moqueta do chan do coche de Porto

PUBLICADO EN: Noticias de GaliciaSantiago de CompostelaTeo
A-
A+
Europa Press

O ADN de Asunta Basterra foi localizado nos restos de fluído atopados na moqueta do chan do coche de Rosario Porto, mentres que o de Alfonso Basterra achouse nun coxín que había no maleteiro deste mesmo turismo.

Así o aseguraron este venres os peritos da Garda Civil que participaron na análise dos restos biolóxicos recolleitos de numerosos obxectos relacionados co caso e do propio cadáver da nena, asasinada o 21 de setembro de 2013.

Os peritos do servizo de Bioloxía da Garda Civil recibiron para a súa análise recortes de uñas e mostras recollidas do corpo de Asunta, así como as cordas atopadas preto do seu cadáver, obxectos recolleitos na casa de Montouto e indicios solicitados nos coches dos pais da vítima, acusados da súa morte.

As mostras foron comparadas co “ADN indubitado” da propia Asunta, os seus pais, os homes que localizaron o corpo e o amante de Rosario Porto.

Segundo explicaron na sala do xuízo, no corpo da nena, prescindindo da roupa, non se achou ningún perfil xenético que non fose o dela, especialmente nas mostras procedentes da zona xenital, a cara, o pescozo e as mans.

Si se localizou seme en dous recortes da camiseta que o laboratorio identificou como dun home de orixe colombiana aínda que residente en Madrid que estaba a ser investigado no mesmo laboratorio por unha agresión sexual. A súa participación foi descartada durante a instrución, que atribuíu o feito a unha contaminación negada por parte dos axentes responsables.

O laboratorio tamén atopou ADN de Asunta mesturado co do seu pai, Alfonso Basterra, nas bragas que a nena levaba postas. Aínda que non se puido determinar a súa orixe concreta, si se precisou que non eran de seme.

ADN NO COCHE

No vehículo de Rosario Porto os investigadores localizaron varias mostras do seu ADN en lugares como o volante ou o cinto, mentres que o de Alfonso foi localizado, mesturado co da súa filla, no asento do copiloto, e mesturado co da súa exmuller, no do condutor. O perfil biolóxico do pai de Asunta tamén estaba nun coxín atopado no maleteiro deste vehículo.

Así mesmo, os peritos identificaron o ADN de Asunta na mancha de fluído atopada na moqueta do chan do coche da súa nai, concretamente na zona traseira do vehículo, na contorna dos raíles do asento.

Por outra banda, o perfil xenético da nena tamén se atopou de forma individual nun feixe de papel localizado nunha papeleira da vivenda de Montouto -onde tamén se achou unha corda laranxa- e mesturado co de Rosario Porto noutro feixe de papel da mesma papeleira. O ADN da acusada estaba na máscara recuperada do mesmo lugar.

16 de outubro de 2015 | 14:07 • Sen comentarios

Comentarios pechados.