Deputación de Pontevedra e Concello de Catoira asinan o préstamo da Caixa de Anticipos
A presidenta da Deputación, Carmela Silva, e o alcalde de Catoira, Alberto García, firmaron hoxe, no Pazo provincial, o préstamo de 155.663 euros con cargo á Caixa de Anticipos da institución provincial, reintegrables no período de 1 ano, que o municipio destinará a financiar unha operación de tesourería. O acto da firma tivo lugar dous días despois da visita oficial que Carmela Silva realizou ao Concello de Catoira, a primeira dun presidente da Deputación de Pontevedra en 36 anos.