A xunta asina a escritura de compravenda de 22.000 metros cadrados de solo no parque empresarial de Palas de Rei
O Instituto Galego da Vivenda e Solovén de asinar unha escritura de compravenda de máis de 22.000 metros cadrados no parque empresarial de Palas de Rei (Lugo). Estes terreos foron adxudicados a través da declaración dun proxecto empresarial singular a unha empresa asentada xa en dito parque empresarial.
A operación comprende a totalidade dos terreos da segunda fase do parque empresarial e suporá un investimento de seis millóns de euros e a creación de novos postos de traballo por parte da empresa adquirente.
Con esta adquisición a compañía poderá ampliar as instalacións con que xa conta en Palas de Rei, prevendo ademais a apertura dun centro deportivo para uso dos seus traballadores, que podería abrir aos veciños da zona.
A empresa adquirente realizará pola súa conta a urbanización interior da parcela en función das súas necesidades e comprométese á construción das edificacións previstas nas parcelas adquiridas, así como a obter a habilitación correspondente para a primeira actividade no prazo máximo de tres anos a contar dende a formalización da compravenda.