A secretaria xeral da Igualdade analiza o programa “Lousame Concilia” xunto á rexedora municipal

López Abella na reunión coa alcaldesa de Lousame

A secretaria xeral da Igualdade, Susana López Abella, acaba de reunirse coa alcaldesa de Lousame, María Teresa Villaverde Pais, para analizar o programa ‘Lousame Concilia’, subvencionado polo Concello e pola a Secretaría Xeral. O programa, cunha intensa implantación, trata de cubrir as necesidades das familias de Lousame no ámbito da conciliación.

Así mesmo a alcaldesa presentoulle a López Abella outros programas que teñen previsto no Concello, relativos ao ámbito da coeducación e a prevención da violencia de xénero entre a comunidade escolar.