publicidade hoxe

A Coruña acollerá o V Congreso Mundial do Deporte Escolar

PUBLICADO EN: Noticias de GaliciaA CapelaDeportes
A-
A+

Os próximos días 5-7 de novembro terá lugar na Coruña, unha macro evento formativo de nivel internacional no ámbito do adestramento no deporte escolar. O congreso está apoiado pola Deputación da Coruña entre outras institucións e empresas. A día de hoxe xa se superan os 200 inscritos. O evento está aberto á todos os técnicos deportivos, directivos e técnicos de clubs e asociacións deportivas así como profesores de Educación Física e estudantes de Ciencias do Deporte/Educación Física. 

O congreso contará cun total de 11 conferencias plenarias e 10 cursos/talleres impartidos por profesionais de recoñecido prestixio de España, Portugal, Romanía, Cuba e Brasil.

Presentaranse máis de 50 traballos de investigación e a todos os asistentes entregaráselles un diploma acreditativo da formación baremable para oposicións, ademais do cd de actas con toda a documentación do congreso e obsequios das empresas colaboradoras. 

Abordaranse temas tan importantes como os valores olímpicos no deporte escolar, a nutrición deportiva, adestramento en nenos e mozos deportistas, programación do traballo de psicomotricidade, adestramento en deportes de contacto, selección de talentos deportivos, sedentarismo e patoloxías asociadas, etc.

27 de outubro de 2015 | 10:33 • Sen comentarios

Comentarios pechados.