Un peón da brigada de Cualedro resulta ferido cando traballaba na extinción do incendio
Un peón da brigada de Cualedro (Ourense) resultou ferido nun ombreiro mentres traballaba na extinción do que por agora é o maior incendio deste verán en Galicia, tras arrasar unhas 3.000 hectáreas desde o pasado domingo. Segundo informa a Consellería de Medio Rural e do Mar a través da súa conta en Twitter, as feridas do traballador, no ombreiro, non revisten gravidade.
Pasadas as 11,00 horas deste martes, o departamento autonómico deu por controladas as chamas deste lume, que calcinou superficie de varios municipios limítrofes de Cualedro.